2015 jylǵy 19 mamyr,Astana qalasy
«Ákimshilik ustaýǵa tartylǵan adamdardy arnaıy jabdyqtalǵan úı-jaılarda ustaý qaǵıdalaryn bekitý týraly» Qazaqstan Respýblıkasy Ulttyq qaýipsizdik komıteti Tóraǵasynyń 2013 jylǵy 25 maýsymdaǵy № 325 buıryǵyna ózgerister engizý týraly
«Qazaqstan Respýblıkasynyń Memlekettik shekarasy týraly« Qazaqstan Respýblıkasynyń 2013 jylǵy 16 qańtardaǵy Zańy 56-babynyń 28) tarmaqshasyna sáıkes buıyramyn:
1. «Ákimshilik ustaýǵa tartylǵan adamdardy arnaıy jabdyqtalǵan úı-jaılarda ustaý qaǵıdalaryn bekitý týraly» Qazaqstan Respýblıkasy Ulttyq qaýipsizdik komıteti Tóraǵasynyń 2013 jylǵy 25 maýsymdaǵy №325 buıryǵyna (Normatıvtik quqyqtyq aktilerdi memlekettik tirkeý tiziliminde №8582 bolyp tirkelgen, 2013 jylǵy 11 qyrkúıektegi №271 (27545) «Kazahstanskaıa pravda» gazetinde jáne 2013 jylǵy 11 qyrkúıektegi №209 (28148) «Egemen Qazaqstan» gazetinde jarııalanǵan) mynadaı ózgerister engizilsin:
atalǵan buıryqpen bekitilgen Ákimshilik ustaýǵa tartylǵan adamdardy arnaıy jabdyqtalǵan úı-jaılarda ustaý qaǵıdalarynda:
3-tarmaq mynadaı redaksııada jazylsyn:
«3. Shekara qyzmetiniń laýazymdy tulǵalary ákimshilik ustaýdy «Ákimshilik quqyq buzýshylyq týraly» Qazaqstan Respýblıkasynyń 2014 jylǵy 5 shildedegi kodeksi (budan ári – Kodeks) 787-babynyń 4), 5) jáne 12) tarmaqshalarynda kózdelgen jaǵdaılarda, ákimshilik quqyq buzýshylyq jasaýǵa kúdikti adamnyń quqyqqa qarsy is-áreketiniń jolyn kesý maqsatynda qoldanady.»;
5 jáne 6-tarmaqtar mynadaı redaksııada jazylsyn:
«5. Shekara qyzmeti ýákiletti laýazymdy tulǵasynyń Kodekstiń 788-babynda kózdelgen tártipte jasaǵan ákimshilik ustaý hattamasy adamdardy arnaıy úı-jaılarǵa anyqtaý úshin negiz bolyp tabylady.
6. Ákimshilik ustaýǵa tartylǵan adamdardy arnaıy jabdyqtalǵan úı-jaılarda ustaý merzimi jáne ony sanaý tártibi Kodekstiń 789-babyna sáıkes belgilenedi.»;
8 jáne 9-tarmaqtar mynadaı redaksııada jazylsyn:
«8. Kodekstiń 788-babynyń 2-tarmaǵyna sáıkes ákimshilik quqyq buzýshylyq jasaǵany úshin ustap alynǵan adamnyń ótinishi boıynsha óziniń qaıda ekendigi týraly týystary, jumys nemese oqý ornynyń ákimshiligi, sondaı-aq qorǵaýshysy dereý habardar etiledi. Kámeletke tolmaǵan adamnyń ustap alynýy týraly onyń ata-anasynyń nemese olardy almastyratyn adamdardyń habardar etilýi mindetti.
9. Ustalǵan adamdar Kodekstiń 44-taraýynda kózdelgen tártipte ákimshilik quqyq buzýshylyq týraly is júrgizýdi qamtamasyz etý sharalaryna shaǵym berýi múmkin.».
2. Qazaqstan Respýblıkasy Ulttyq qaýipsizdik komıtetiniń Shekara qyzmeti osy buıryqty zańnamada belgilengen tártipte Qazaqstan Respýblıkasy Ádilet mınıstrliginde memlekettik tirkeýdi jáne resmı túrde jarııalaýdy qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Ulttyq qaýipsizdik komıtetiniń Tóraǵasy N.ÁBIQAEV
Buıryq Qazaqstan Respýblıkasynyń Ádilet mınıstrliginde 2015 jylǵy 19 maýsymda Normatıvtik quqyqtyq kesimderdi memlekettik tirkeýdiń tizilimine №11398 bolyp engizildi.